نفسیاتی مریضہ نے تیز دھار آلے کے مدد سے اپنا گلا کاٹ کر خود کشی کرلی

خاتون کی شناخت 41 سالہ راحت زوجہ مستقیم کے نام سےہوئی ہے، پولیس حکام

Staff Reporter December 13, 2021

خاتون کی شناخت 41 سالہ راحت زوجہ مستقیم کے نام سےہوئی ہے، پولیس۔(فوٹو: فائل)

ISLAMABAD: نارتھ ناظم آباد میں نفسیاتی مریضہ نے تیز دھار آلہ کے مدد سے اپنا گلا کاٹ کر خود کشی کرلی۔

کراچی نارتھ ناظم آباد تھانے کےعلاقے بلاک بی میں ایک خاتون نے تیز دھارآلے کی مدد سے اپنا گلا کاٹ لیا، زخمی خاتون کو پہلے عباسی اور پھر جناح اسپتال منتقل کردیا گیا، تاہم ڈاکٹرز کی کوششوں کے باوجود خاتون جانبر نہ ہوسکی اور دم توڑ گئی۔

اس حوالے سے ایس ایچ او نارتھ ناظم آباد محمد ایاز الدین نے بتایا کہ خاتون کی شناخت 41 سالہ راحت زوجہ مستقیم کے نام سےہوئی ہے، متوفیہ خاتون کے گھروالوں کا کہنا ہے کہ خاتون نفسیاتی مریضہ تھیں اور خاتون نے گھر میں خود کو اکیلا دیکھ کر تیز دھار آلہ کے مدد سے اپنا گلا کاٹ لیا، پولیس نے ضابطے کی کارروائی کے بعد متوفیہ کی لاش ورثا کے حوالے کردی ۔