آسٹریلیا کے اسکول میں حادثہ 4 بچے ہلاک

تسمانیہ کے اسکول حادثے میں 5 بچے شدید زخمی ہوئے۔

ویب ڈیسک December 16, 2021

آسٹریلیا کے وزیراعظم نے حادثے پردکھ کا اظہارکیا ہے:فوٹو:انٹرنیٹ

لاہور: آسٹریلیا کی ریاست تسمانیہ کے اسکول میں باؤنسی کاسل ہوا میں معلق ہونے سے 4 بچے ہلاک اور5شدید زخمی ہوگئے۔

غیرملکی میڈیا کے مطابق آسٹریلوی ریاست تسمانیہ کے ایک پرائمری اسکول میں باؤنسی کاسل تیز ہواؤں کے باعث زمین سے 10 میٹراوپراٹھ گیا جس کے نتیجے میں4 بچے ہلاک اور5 شدید زخمی ہوگئے۔

باؤنسی کاسل اسکول میں سال کے اختتام پرہونے والی تقریبات کے سلسلے میں لایا گیا تھا۔آسٹریلیوی وزیراعظم اسکاٹ موریسن نے حادثے پر دکھ اورمتاثرہ خاندانوں سے ہمدردی کا اظہارکیا ہے۔