ڈائریکٹر نے وکی کوشل کو فلم میں کاسٹ کرنے سے صاف انکار کردیا

فلم کی تعریف کرنے کا شکریہ، تم کاسٹ نہیں ہوگے، آنند ایل رائے

ویب ڈیسک January 09, 2022

وکی کوشل نے ہدایت کار سے موقع دینے کی درخواست کی تھی (فائل فوٹو)

بالی ووڈ فلم ڈائریکٹر آنند ایل رائے نے وکی کوشل کو کام دینے سے انکار کردیا۔

بھارتی میڈیا رپورٹ کے مطابق وکی کوشل نے حال ہی میں ریلیز ہونے والی فلم 'اترنگی رے' دیکھ کر ڈائریکٹر سے آئندہ کام دینے کی خواہش کا اظہار کیا اور اداکارہ سارہ خان کے لیے نیک تمناؤں کا اظہار کرتے ہوئے کہا کہ سارہ نے خود کو سرینڈر کر کے بھرپور کردار ادا کیا۔

سماجی رابطے کی ویب سائٹ انسٹاگرام اسٹوری کے ذریعے وکی کوشل نے فلم کا پوسٹر شیئر کیا اور متعلقہ اداکاروں سمیت ڈائریکٹر آنند ایل رائے کو بھی مخاطب کیا۔

vicky-koshal

وکی نے لکھا کہ 'اتنی پیاری فلم دیکھ کر مزہ آگیا، سارہ خان نے بہت مشکل کردار بہترین انداز سے ادا کیا جبکہ اکشے کمار نے ایک بار پھر خود کو ذہین اداکار ثابت کیا'۔

مزید پڑھیں: کترینہ سے شادی کے بعد وکی کوشل بڑی مصیبت میں پھنس گئے

اداکار نے فلم ڈائریکٹر سے آئندہ موقع دینے کی درخواست کی جس پر آنند نے کہا کہ 'بھائی فلم کی تعریف کرنے کا شکریہ، تم کاسٹ نہیں ہوگے'۔

وکی کوشل کی اس پوسٹ پر سارہ خان نے شکریہ ادا کرتے ہوئے آنند سے سفارش کی کہ وہ آئندہ فلم میں دونوں کو ایک ساتھ کام کرنے کا موقع فراہم کریں۔