وزیراعظم کا آرمی چیف کے ہمراہ آئی ایس آئی ہیڈ کوارٹرز کا دورہ

وزیراعظم کا پاکستان کے قومی مفادات کے تحفظ کیلیے کی جانے والی پیشہ ورانہ تیاریوں پر اظہارِ اطمینان

ویب ڈیسک January 12, 2022

وزیراعظم کا پاکستان کے قومی مفادات کے تحفظ کے لیے کی جانے والی پیشہ ورانہ تیاریوں پر اظہارِ اطمینان - فوٹو:فائل

وزیراعظم عمران خان نے آئی ایس آئی ہیڈ کوارٹرز کا دورہ کیا ہے۔

ایکسپریس نیوز کے مطابق آئی ایس آئی سیکریٹریٹ کے دورے کے دوران وفاقی وزرا اور آرمی چیف جنرل قمر جاوید باجوہ بھی وزیراعظم کے ہمراہ تھے۔ ڈی جی آئی ایس آئی لیفٹیننٹ جنرل ندیم احمد انجم نے شرکاء کا استقبال کیا۔

آئی ایس آئی سیکریٹریٹ میں اجلاس کے دوران ملکی سلامتی اور افغانستان کی حالیہ صورتِ حال کے تناظر میں خطے میں در پیش تبدیلیوں پر بریفنگ دی گئی۔

وزیراعظم نے قومی سلامتی استحکام اور خوشحالی کے لیے آئی ایس آئی کی کوششوں کو سراہا۔ وزیراعظم نے پاکستان کے قومی مفادات کے تحفظ کے لیے کی جانے والی پیشہ ورانہ تیاریوں پر اظہار اطمینان کیا۔