بھارت میں ٹرین حادثہ تین افراد ہلاک درجنوں زخمی

بنکر ایکسپریس اچانک پٹری سے اترنے کا واقعہ پیش آیا

ویب ڈیسک January 14, 2022

وزیراعظم نریندر مودی نے واقعے کا نوٹس لیتے ہوئے وزیر ریلوے سے رپورٹ طلب کرلی (فوٹو اے این آئی)

BEIJING: بھارتی ریاست بنگال میں ٹرین حادثہ پیش آیا جس میں تین مسافر ہلاک جبکہ درجنوں زخمی ہوگئے۔

بھارتی میڈیا رپورٹ کے مطابق مغربی بنگال کے شمالی علاقے میں جمعرات کی شام بنکر ایکسپریس اچانک پٹری سے اترنے کا واقعہ پیش آیا۔

اس واقعے میں تین ڈبے پٹری سے اترے جن میں درجنوں مسافر سوار تھے۔ ریلوے کے ضلعی مینیجر مومیتا گوڈالا نے بتایا کہ ابتدائی تحقیقات میں پٹری ایک جگہ سے ٹوٹی ہوئی ملی جوواقعے کی بڑی وجہ ہے۔

انڈین ریلوے نے حادثے میں ہلاک ہونے والوں کو فی کس پانچ لاکھ، زخمیوں کو ایک لاکھ اور معمولی زخمی ہونے والے مسافروں کو پچیس ہزار روپے امداد دینے کا اعلان کیا ہے۔

Bikaner-Guwahati derailment, West Bengal | Latest visuals of the rescue operation at the site. pic.twitter.com/uCMRbB9ApN

- ANI (@ANI) January 13, 2022

دوسری جانب وزیراعظم نریندر مودی نے واقعے کا نوٹس لیتے ہوئے وزیر ریلوے سے رپورٹ طلب کرلی اور غفلت کے مرتکب افراد کے خلاف سخت کارروائی کی ہدایت بھی کی ہے۔