شاہد آفریدی کورونا کو شکست دے کر گلیڈی ایٹرز کا حصہ بن گئے

کورونا کا شکار ہونے کی وجہ سے شاہد آفریدی پاکستان سپر لیگ کے ابتدائی میچز میں دستیاب نہیں تھے

Sports Reporter February 01, 2022

شاہد آفریدی کا کورونا ٹیسٹ منفی آگیا (فوٹو، فائل)

لاہور: اسٹار آل راؤنڈر شاہد خان آفریدی کورونا وائرس سے صحت یاب ہوکر دوبارہ کوئٹہ گلیڈی ایٹرز کی ٹیم کا حصہ بن گئے۔

ایکسپریس نیوز کے مطابق شاہد آفریدی کووڈ 19 کا اینٹیجن ریپڈ ٹیسٹ منفی آنے کے بعد پھر سے کوئٹہ گلیڈی ایٹرز کی ٹیم میں شامل ہوگئے، اب وہ ایچ بی ایل پی ایس ایل 7 کے میچز کھیلیں گے۔

شاہد آفریدی کورونا وائرس میں مبتلا ہونے کے بعد آئسولیشن میں چلے گئے تھے جہاں انہوں نے چند دن گزارے جس کے بعد اب ان کا کووڈ19 ٹیسٹ منفی آگیا ہے۔

آل راؤنڈر کووڈ19 کا شکار ہونے کی وجہ سے پاکستان سپر لیگ سیزن 7 کے ابتدائی میچز میں دستیاب نہیں تھے، ان کی جگہ بائیں ہاتھ کے اسپنر حسان خان کو عارضی متبادل کی حیثیت سے اسکواڈ میں شامل کیا گیا تھا۔

دوسری جانب ٹیم مینجر اعظم خان کا کہنا ہے کہ کوئٹہ گلیڈی ایٹرز کے جیسن رائے اور جیمز ونس بدھ کو ٹیم کا کا حصہ بن جائیں گے جبکہ نور احمد افغانستان کے آئی سی سی انڈر 19 ورلڈ کپ مقابلوں کے بعد اسکواڈ میں شامل ہوں گے۔