آسٹریلیا کا دورہ پاکستان خوش آئند ہے سابق کرکٹرز

آسٹریلیا کیخلاف بابراعظم، محمد رضوان اورشاہین شاہ آفریدی پاکستان کے ہتھیارہوں گے،وسیم اکرم

Sports Reporter February 08, 2022

آسٹریلیا کی کرکٹ ٹیم کا دورہ پاکستان اہم پیشرفت ہے،سابق کرکٹرز:فوٹو:فائل

MADRID: کرکٹ کی معروف شخصیات نے 24سال بعد آسٹریلوی ٹیم کے دورہ پاکستان کو خوش آئند اور اہم پیش رفت قرار دے دیا۔

پاکستان کرکٹ بورڈ(پی سی بی) کے پوڈ کاسٹ میں 3سابق کپتانوں وسیم اکرم، ایلن بارڈر اورمائیکل ایتھرٹن نے آسٹریلیوی کرکٹ ٹیم کے دورہ پاکستان کوخوش آئند اوراہم پیشرفت قراردے دیا۔

پاکستان کے سابق کپتان وسیم اکرم کا کہنا تھا کہ آسٹریلیا کیخلاف دورے بیٹنگ میں بابراعظم اورمحمد رضوان اوربولنگ میں شاہین شاہ آفریدی پاکستان کے ہتھیارہوں گے۔

وسیم اکرم کا مزید کہنا تھا کہ آسٹریلیا کیخلاف سیریز ہمارے کھلاڑیوں کے اعتماد میں اضافہ کرے گی اورپاکستان کرکٹ کے مجموعی منظرنامے پرمثبت اثرات مرتب کرے گی۔آسٹریلیا کا 24 سال بعد پاکستان کا دورہ کرنا پی سی بی کا بڑا کارنامہ ہے۔

آسٹریلیا کے سابق کپتان ایلن بارڈرنے کہا کہ بابراعظم سے بہت متاثرہوں۔ ان کی تکنیک اچھی ہے۔ بابراعظم کی قیادت میں پاکستان کی ٹیم ایک یونٹ بن کرابھررہی ہے۔پاکستان کی ٹیم آسٹریلیا کوشکست دینے کی مکمل صلاحیت رکھتی ہے۔

کے مطابق یہ سیریز دونوں ٹیموں کے کھلاڑیوں کے لئے نام بنانے کا سنہرا موقع ہے۔ آسٹریلوی ٹیم پاکستان کوپاکستان میں ہرا کرتاریخی دورے کویادگاربنا سکتی ہے۔

انگلینڈ کے سابق کپتان مائیکل ایتھرٹن کا کہنا تھا کہ آسٹریلیا کا اپنی بہترین ٹیم پاکستان بھیجنا بڑی خوشخبری ہے۔ماضی میں پاکستان کا اپنی ہوم کرکٹ متحدہ عرب امارات میں کھیلنا لازمی ضرور تھا مگر یہ کوئی پائیدار حل نہیں تھا۔امید یے کہ اچھی کرکٹ دیکھنے کو ملے گی۔