بالی وڈ میں شروع کےدن مشکل تھے دپیکا پڈکون

ابتدائی دنوں میں خود ہی میک اپ کرنا اورہئیراسٹائل بنانا پڑتا تھا، دپیکا پڈکون

ویب ڈیسک February 21, 2022

آجکل نئے آنے والے اداکارسب سیکھ کرآتے ہیں،دپیکا پڈکون:فوٹو:فائل

RAWALPINDI: بالی وڈ کی متعدد 100 کروڑ فلموں کی ہیروئن دپیکا پڈکون کا کہنا ہے کہ بالی وڈ میں شروع کے دن مشکل تھے۔

بھارتی میڈیا کوانٹرویو میں بالی وڈ کی سپراسٹاردپیکا پڈکون نے کہا کہ بالی وڈ میں میرے اورکترینہ کیف کے شروع کے دن مشکل تھے۔

دپیکا پڈکون کا کہنا تھا کہ بالی وڈ میں کیرئیرکا آغاز کیا تواپنا میک اپ اورہئیراسٹائل خود کرنا پڑتا تھا۔میں اورکترینہ کیف دونوں فلموں میں اپنے کپڑے استعمال کرتے تھے۔ ہمارا کوئی مینجریا پی آرایجنٹ بھی نہیں تھا لیکن ہم آہستہ آہستہ سیکھتے چلے گئے۔

دپیکا پڈکون نے کہا کہ آج کل آنے والے نئے اداکاراوراداکاراؤں کوسب کچھ سیکھا جاتا ہے۔ کس طرح کھڑے ہونے ہے، بولنا اورچلنا ہے۔ کس بات کا جواب دینا ہے کس کا نہیں۔ یہ دوربہترہے کہ سب سیکھ کرلوگ آتے ہیں۔

دپیکا پڈکون نے2007 میں میگا اسٹارشاہ رخ خان کے ساتھ اپنی پہلی فلم اوم شانتی اوم کی تھی جوسپرہٹ ہوئی تھی۔