ٹویٹر پر بندش کے بعد ٹرمپ نے اپنی سوشل میڈیا ایپ لانچ کردی

ٹرمپ کی نئی سوشل میڈیا ایپ ’’ ٹروتھ ‘‘ ایپل فونز کے ایپ اسٹور سے ڈاؤں لوڈ کی جاسکتی ہے

ویب ڈیسک February 21, 2022

ٹویٹر اور یوٹیوب نے سابق امریکی صدر کا اکاؤنٹ حذف کردیا تھا، فوٹو: فائل

کراچی: سابق امریکی صدر ڈونلڈ ٹرمپ نے ٹویٹر اور یوٹیوب پر پابندی کے بعد ''ٹروتھ'' یعنی سچائی کے نام سے اپنی سوشل میڈیا ایپ لانچ کردی۔

عالمی خبر رساں ادارے کے مطابق جنوری 2021 میں امریکی کانگریس کی عمارت پر ٹرمپ کے مشتعل حامیوں کے حملے بعد ٹویٹر اور یوٹیوب نے سابق صدر کا اکاؤنٹ حذف کردیا تھا۔

سماجی رابطے کی پلیٹ فارمز نے الزام ڈونلڈ ٹرمپ پر اپنے حامیوں کو اکسانے کے لیے اشتعال انگیز پوسٹیں کرنے کا الزام عائد کیا تھا جس پر سابق صدر نے اپنی سوشل میڈیا ایپ لانے کا اعلان کیا تھا۔

اپنے اعلان پر عمل کرتے ہوئے ڈونلڈ ٹرمپ نے ایپل موبائل فونز کے صارفین کے لیے ایک ایپ متعارف کرادی ہے۔ ٹرتھ سوشل نامی ایپ کو ایپل کے ایپ اسٹور سے ڈاؤن لوڈ کیا جا سکتا ہے۔

تجرباتی مرحلے کے دوران صارفین اس ایپ کو صرف اسی صورت میں ڈاؤن لوڈ کرسکتے ہیں جب انھیں اس ایپ کا رجسٹرڈ صارف شمولیت کی دعوت کے لیے لنک فراہم کرے۔

یہ ایپ ٹرمپ میڈیا اینڈ ٹیکنالوجی گروپ کے توسط سے لانچ کی گئی ہے تاہم اکثر صارفین نے شکایت کی ہے کہ ایپ ڈاؤن لوڈ کرنے میں مشکلات کا سامنا ہے۔