آفیشل ٹویٹر اکاؤنٹ سے یوکرین کا روسی صدر کیلیے ذومعنی پیغام

یہ تصویر طنز یا مزاح نہیں بلکہ روس اور ہماری موجودہ کیفیت کی غماز ہے

ویب ڈیسک February 25, 2022

روس اور یوکرین کے درمیان سوشل میڈیا پر جنگ کا سما ہے، فوٹو: ٹوئٹر

روس کے یوکرین پر حملے کے بعد ایک جنگ سوشل میڈیا پر بھی لڑی جا رہی ہے جس میں حکومتی آفیشل اکاؤنٹس بھی عام صارفین سے پیچھے نہیں رہے۔

سماجی رابطے کی ویب سائٹ ٹویٹر پر روسی فوج کے ٹینک اور میزائل کے ساتھ کیف پہنچتے ہی یوکرین کے آفیشل ٹویٹر اکاؤنٹ پر ایک تصویر شیئر کی گئی جس میں ہٹلر اور روسی صدر ولادمیر پوٹن کا کارٹون دکھایا گیا ہے۔

اس کارٹوں میں اوڈلف ہٹلر کو کمزور اور نحیف روسی صدر کا چہرہ تھپتھپاتے دیکھا جاسکتا ہے۔ جرمنی کے سابق آمر اوڈلف ہٹلر کا چہرہ کھلکھلاتا جب کہ ولادیمیر پوٹن پریشان حال ہیں۔

This is not a ‘meme’, but our and your reality right now.
— Ukraine / Україна (@Ukraine) February 24, 2022

تصویر کے کیپشن میں لکھا ہے کہ یہ کوئی طنز یا مزاح نہیں بلکہ یہ تصویر آپ کے اور ہماری صورت حال کی عکاس ہے۔ جوابی ٹویٹ میں مزید لکھا گیا ہے کہ اس تصویر کو روس کو ٹیگ کرکے بتائیں کہ ہم ان کے بارے میں کیا سوچتے ہیں۔