روس یوکرین جنگ سے متعلق 24 سال قبل ہونے والی پیش گوئی کی ویڈیو سامنے آگئی

اس سے قبل کئی سال قبل ٹرمپ کے امریکی صدر بننے، بیروت دھماکوں کی پیش گوئی بھی کی گئی تھی

ویب ڈیسک February 25, 2022

روس نے گزشتہ روز روس نے یوکرین پر حملہ کیا، پہلے روز فوجیوں سمیت 137 یوکرینی شہری ہلاک ہوئے (فوٹو انٹرنیٹ)

ISLAMABAD: سوشل میڈیا صارف کا دعویٰ ہے کہ 24 برس قبل مستقبل کے واقعات و حالات دکھانے کے حوالے سے مشہور کارٹون سیریز 'سمپسنز' میں روس یوکرین جنگ کی پیش گوئی کی گئی تھی۔

روس اور یوکرین کے درمیان کشیدگی اور پھر تصادم کے بعد سماجی رابطے کی ویب سائٹ پر ایک صارف نے اس سے مماثلث رکھتی ویڈیو شیئر کی۔

انٹرنیٹ پر 'سمپسنز' کی ایک قسط کا چھوٹے سا کلپ شیئر کیا گیا، جو دیکھتے ہی دیکھتے وائرل ہوگیا۔ اس ویڈیو کلپ میں دکھایا گیا ہے کہ دو کردار امریکا اور روس آمنے سامنے بیٹھ کر جارحانہ انداز سے بات کررہے ہیں۔

اس دوران امریکا نے روس پر رعب جمانے کی کوشش کی تو روس کے لیے مختص ٹیبل پر بیٹھے کردار نے سامنے رکھی پلیٹ کو گھما دیا، جس کے دوسرے طرف سویت یونین کا نام لکھا تھا۔

Simpsons called it... #Russia #SovietUnion #Putin pic.twitter.com/9OQ9nSpiGF

- Matthew Walton (@Waltonamo) February 22, 2022

سمپسنز ٹائیڈ کی یہ قسط 29 مارچ 1998 کو اُس وقت ٹی وی پر نشر کی گئی تھی جب بورس یلٹسن صدر تھے۔

واضح رہے کہ اس سے قبل کارٹون میں ٹرمپ کے امریکی صدر بننے، دو برس قبل بیروت میں ہونے والے دھماکے سمیت دیگر بڑے واقعات کا اشارہ دیا گیا تھا جو وقت کے ساتھ درست ثابت ہوئے۔