مارنس لبوشین نے صفر پر آؤٹ ہونے کی ہیٹ ٹرک کرلی

پاکستان کے خلاف مسلسل تیسری مرتبہ صفر پر آؤٹ ہوئے

ویب ڈیسک March 21, 2022

آسٹریلوی کھلاڑی مارنس لبوشین صفر پر آوٹ ہونے کے بعد واپس ڈریسنگ روم جاتے ہوئے۔ فوٹو : اے ایف پی

PESHAWAR/ لاہور: آسٹریلوی ٹیم کے تجربہ کار بلے باز مارنس لبوشین ٹیسٹ کیریئر میں پاکستان کے خلاف مسلسل تیسری مرتبہ صفر پر آؤٹ ہوگئے۔

مارنس لبوشین لاہور میں جاری تیسرے اور فیصلہ کن ٹیسٹ میں شاہین شاہ آفریدی کی گیند پر وکٹوں کے پیچھے کیچ تھما بیٹھے۔ وہ حالیہ ٹیسٹ سیریز میں دوسری مرتبہ صفر پر آؤٹ ہوئے۔

آسٹریلوی بلے باز اپنے پورے ٹیسٹ کیریئر میں اب تک تین مرتبہ صفر پر آؤٹ ہوئے اور تینوں مرتبہ پاکستان کے باولرز کا شکار بنے۔

It’s Shaheen again! What a start🔥 Labuschagne out for a 🦆 #BoysReadyHain l #PAKvAUS pic.twitter.com/NhzpfFZYc8
— Pakistan Cricket (@TheRealPCB) March 21, 2022

اس سے قبل، اکتوبر 2018 میں پاکستان اور آسٹریلیا کے درمیان دبئی میں کھیلے گئے سیریز کے پہلے ٹیسٹ میں بھی مارنس لبوشین صفر پر آؤٹ ہوئے تھے اور انکی وکٹ بلال آصف نے حاصل کی تھی۔

مارنس لبوشین نے آسٹریلیا کی جانب سے ٹیسٹ میں ڈیبیو کیا تھا۔ انہوں نے پاکستان کے خلاف ٹیسٹ میں دو سنچریاں اور ایک نصف سنچری بھی بنا رکھی ہے جبکہ سب سے زیادہ 185 رنز بھی بنا رکھے ہیں۔