بلاول کو انتخابی ضابطہ اخلاق کیخلاف ورزی پرالیکشن کمیشن کا نوٹس
چیئرمین پیپلز پارٹی مالاکنڈ میں جلسہ عام کرنے سے متعلق 25 تاریخ کو حاضر ہو کر وضاحت کریں، الیکشن کمیشن
NEW YORK:
الیکشن کمیشن آف پاکستان نے پیپلز پارٹی کے چیئرمین بلاول بھٹو زرداری کو مالاکنڈ میں عوامی جلسے پر نوٹس جاری کردیا۔
ڈسٹرکٹ مانیٹرنگ افسر مالا کنڈ نے بلدیاتی انتخابات کے دوسرے مرحلے پر انتخابی ضابطہ اخلاق کی خلاف ورزی پر بلاول بھٹو زرداری کو نوٹس جاری کیا اور 25 مارچ کو وضاحت کے لیے طلب کرلیا۔
الیکشن کمیشن کے مطابق پیپلز پارٹی کا جلسہ انتخابی ضابطہ اخلاق کی خلاف ورزی ہے، بلدیاتی انتخابات میں جلسہ عام ،کار ریلی، جلوس کی اجازت نہیں ہے۔
خیال رہے کہ پیپلز پارٹی کے چیئرمین نے مالاکنڈ میں جلسہ عام سے خطاب کرتے ہوئے کہا تھا کہ وزیراعظم عمران خان کو ہٹانے کے لیے میں گیٹ نمبر 4کو نہیں کھٹکھٹاوں گا بلکہ اس غیر جمہوری شخص کا مقابلہ جمہوری طریقے سے کریں گے۔