این سی او سی آپریشن کا آخری دن وزیراعظم کی مبارکباد

کورونا کیخلاف ہمارے اقدامات کو عالمی ایجنسیوں نے سب سے کامیاب تسلیم کیا، وزیراعظم

ویب ڈیسک March 31, 2022

کورونا کیخلاف ہمارے اقدامات کو عالمی ایجنسیوں نے سب سے کامیاب تسلیم کیا، وزیراعظم

لاہور: عالمی وبا کورونا سے نمٹنے کے لئے پاکستان میں قائم این سی او سی آپریشن کا آج آخری دن ہے۔

سماجی رابطے کی ویب سائٹ ٹویٹر پر اپنی ٹویٹ میں وفاقی وزیر منصوبہ بندی اور سربراہ این سی او سی اسد عمر کا کہنا تھا کہ این سی او سی آپریشن کا آج آخری دن ہے، کورونا کے کم ترین اور ویکسینیشن کے بلند ترین اعداد و شمار کے ساتھ مزید کام وزارت صحت کو سونپ رہے ہیں۔

اسد عمر کا کہنا تھا کہ دوسال تک این سی او سی کی سربراہی اور بہترین ٹیم کے ساتھ کام کرنا بڑا اعزاز ہے، پاکستان کے کورونا پرردعمل کی عالمی اداروں سے تحسین ہمارے لئے باعث فخر ہے، اللہ کے کرم اور قوم کے تعاون سےاس بڑے چیلنج سے نبردآزما ہونے کے قابل ہوئے۔

Today, as NCOC closes down, I want to congratulate the NCOC team & it's ldership for a professional, nationally-coordinated response to the pandemic. As a result our Covid response was recognised by int agenciies & people in the field as one of the most successful globally.
— Imran Khan (@ImranKhanPTI) March 31, 2022

دوسری جانب وزیراعظم عمران خان نے اپنی ٹویٹ میں این سی او سی کو مبارک پیش کرتے ہوئے کہا کہ آج جب این سی او سی بند ہونے جارہا ہے میں اس میں شامل ٹیم اور ان کی قیادت کو وبا سے مقابلہ کرنے کے لئے پیشہ ورانہ مہارت اور ملک گیر تعاون پر مبارکباد پیش کرتا ہوں۔ کورونا کیخلاف ہمارے اقدامات کو عالمی ایجنسیوں نے سب سے کامیاب تسلیم کیا۔