چلتی ٹرین کے نیچے آنے والی خاتون معجزاتی طور پر زندہ بچ گئی

میں دوبارہ پیدا ہوئی ہوں، حادثے کا شکار خاتون

ویب ڈیسک April 20, 2022

خاتون چلتی ٹرین کے نیچے آگئی

GAZA: ارجنٹائن کے ریلوے اسٹیشن ٹرین کے انتظار میں کھڑی خاتون مسافر اچانک ریل کے نیچے آئیں مگر وہ معجزانی طور پر محفوظ رہیں، حادثے کی سامنے آنے والی ویڈیو نے سوشل میڈیا صارفین کے رونگٹے کھڑے کردئیے۔

غیر ملکی میڈیا کے مطابق ارجنٹینا کے دارالحکومت بیونس آئرس میں ایک خاتون ریلوے اسٹیشن پر ٹرین کا انتظار کررہی تھی کہ اچانک اس کی طبعیت خراب ہوئی اور وہ لڑکھڑاتے ہوئے چلتی ٹرین کے نیچے آگئی۔

واقعے کی ویڈیو سوشل میڈیا پر وائرل ہوگئی جس میں دیکھا جاسکتا ہے کہ خاتون کو ٹرین کے نیچے آتا دیکھ کر اسٹیشن پر کھڑے مسافروں نے اوسان خطا ہوگئے اور انہوں نے چیخ و پکار شروع کردی۔

حادثے کا علم ہوتے ہی ٹرین ڈرائیور نے ٹرین روکی اور مسافروں نے اسٹیشن عملے کیساتھ ملکر خاتون کو ٹرین کے نیچے سے نکالا جو بلکل صحیح سلامت تھی اور اسے بس معمولی سے زخم آئے تھے۔

ارجنٹائن کی خاتون جس طرح ٹرین کے نیچے آکر زندہ بچنے میں کامیاب ہوئی ہے، ایسا لگتا ہے 'جسے اللہ رکھے اسے کون چکھے' والا محاورہ اسی خاتون کیلئے کہا گیا ہو۔

So this happened recently in #BuenosAires #Argentina

This woman apparently fainted and she fell under on an oncoming train, BUT SHE SURVIVED! She's now out of the hospital 🙏 pic.twitter.com/EQA2V4foh9

- Diamond Lou®™ 🔞 (@DiamondLouX) April 19, 2022

خاتون کو زندہ اور صحیح سلامت دیکھ کر ہر آنکھ حیرت زدہ تھی، جب اسے اسپتال منتقل کیا گیا تو ڈاکٹروں نے خاتون کی حالت خطرے سے باہر بتائی اور اسے اتبدائی طبی امداد فراہم کرکے ڈسچارج کردیا۔

خاتون کی شناخت کنڈیلا کے نام ہوئی جنہوں نے میڈیا سے بات کرتے ہوئے کہا کہ 'مجھے نہیں پتہ کہ میں کیسے زندہ بچی مگر حادثے میں بچنے کے بعد مجھے لگتا ہے میں دوبارہ پیدا ہوئی ہوں'۔

کنڈیلا کا کہنا تھا کہ 'میرا بلڈپریشر ڈاؤن ہوا میں بے ہوش ہونے لگی، جس کے بعد میں نے اپنے آگے کھڑے ہوئے شخص کا سہارا لیکر سنبھلنے کی کوشش کی مگر ایسا ہو نہ سکا اور میں لڑکھڑاتی ہوئی ٹرین کے نیچے آگئی۔