نواب شاہ گاڑی الٹنے کے بعدآگ لگ گئی2 بچوں سمیت 7 افراد جاں بحق

حادثے کا شکار افراد عید منانے حیدرآباد سے مورو جا رہے تھے

ویب ڈیسک May 02, 2022

جل کرجاں بحق ہونے والے افراد کی شناخت نہیں ہوسکی، پولیس:فوٹو:فائل

نواب شاہ کے قریب قومی شاہراہ پرتیز رفتارگاڑی الٹنے کے بعد آگ لگنے سے 2 بچوں سمیت 7 افراد جل کرجاں بحق ہوگئے۔

پولیس ذرائع کے مطابق نواب شاہ کے قریب قومی شاہراہ پر چھنڈن شاخ نہر کے مقام پرتیز رفتارگاڑی نہر کے پل سے ٹکرا کرالٹ گئی جس کے بعد گاڑی میں آگ لگ گئی جس کے نتیجے میں گاڑی میں سوار2 بچوں اور4 خواتین سمیت 7 افراد جاں بحق ہوگئے۔مقامی افراد نے لاشوں کو جلی ہوئی گاڑی سے نکالا۔

پولیس کے مطابق جاں بحق ہونے والوں کی شناخت نہیں ہوسکی ہے۔حادثے کا شکارہونے والے افراد عید منانے کے لئے حیدرآباد سے مورو جارہے تھے۔