شارع فیصل پر ڈاکوؤں نے کار سوار سے 53 لاکھ روپے لوٹ لیے

کنسٹرکشن کمپنی کاملازم 38سالہ نصیب اللہ آفریدی دفتری ساتھی کے ہمراہ آئی آئی چندریگر روڈسے 53لاکھ روپے لے کرنکلا تھا

Staff Reporter May 14, 2022

ڈاکوؤں نے تعاقب کے بعد شارع فیصل پر رقم لوٹی ، مزاحمت پر فائرنگ کرکے زخمی کردیا،ڈاکو باآسانی فرار ہوگئے فوٹو: فائل

شارع فیصل پر ریجنٹ پلازہ کے قریب موٹر سائیکل سوار ڈاکو 53 لاکھ روپے لوٹ کر فرار ہوگئے جبکہ مزاحمت پر کار سوار کو گولی مار دی جس سے وہ زخمی ہوگیا۔

گزشتہ روز شام شارع فیصل پر ریجنٹ پلازہ کے قریب کار پر فائرنگ سے 38 سالہ نصیب اللہ آفریدی زخمی ہوگیا، مضروب کو طبی امداد کے لیے جناح اسپتال لے جایا گیا، اسے چہرے پر گولی لگی۔

پولیس حکام کے مطابق واقعہ ڈکیتی کے دوران مزاحمت پر پیش آیا ، نصیب اللہ مقامی کنسٹرکشن کمپنی کا ملازم ہے اور اپنے دفتری ساتھی کے ہمراہ آئی آئی چندریگر روڈ سے 53 لاکھ روپے لے کر نکلا تھا کہ ڈاکوؤں نے تعاقب کے بعد شارع فیصل پر رقم لوٹی ، مزاحمت پر فائرنگ کی اور فرار ہوگئے۔