بھارتی اداکارہ کا پاکستانی گانے ’پسوڑی‘ پر ڈانس ویڈیو وائرل

کوک اسٹوڈیو سیزن 14 کے گانے پسوڑی کی دھن نے پوری دنیا میں دھوم مچادی ہے۔

ویب ڈیسک May 14, 2022

کوک اسٹوڈیو کے سیزن 14 کے گانے پسوڑی کی دھن نے پوری دنیا میں دھوم مچادی ہے۔ فوٹو:فائل

کراچی: کوک اسٹوڈیو کے سیزن 14 کے گانے پسوڑی کی دھن نے پوری دنیا میں دھوم مچادی ہے۔

عالمی سطح پر معروف ہونے والے گانے کو پاکستان کے دو معروف فنکاروں گلوکار علی سیٹھی اور گلوکارہ شائی گل نے گایا جس نے پڑوسی ملک میں بھی مقبولیت کے ریکارڈ قائم کردیے ہیں۔

ڈچ سنگر ایما ہیسٹرز کے بعد بھارتی ریئلٹی ٹی وی اسٹار شہناز گل نے بھی اس گانے کی دھن پر ویڈیو بنانے والوں میں شامل ہوگئی ہیں اور انسٹاگرام پر اپنی تازہ ترین ویڈیو میں وہ ہِٹ ٹریک پسوڑی پر ڈانس کرتی نظر آرہی ہیں۔

شہناز گل جو معروف ریئلٹی شو بگ باس سیزن 13 میں آنے کے بعد مقبول ہوئی تھیں، نے اپنی تازہ ترین ڈانس ویڈیو کے ساتھ انٹرنیٹ پر دھوم مچا دی ہے۔

شیئر کی گئی ویڈیو میں شہناز گل سرخ رنگ کی قمیض پہن کر کر ڈانس کرتی نظر آرہی ہیں۔ ویڈیو کے ساتھ کیپشن میں انہوں نے گانے کی چند سطریں لکھیں، ''آ چلے لیکر تجھے، ہے جہاں سلسلے''۔