عامرلیاقت کے بچوں کا پوسٹمارٹم کرانے سے انکار

عامر لیاقت کے لئے سب سے دعاؤں کی درخواست ہے،سابقہ اہلیہ بشری اقبال

ویب ڈیسک June 10, 2022

بچوں کی خواہش کے مطابق مرحوم کوعزت واحترام کےساتھ آخری آرام گاہ لے جایا جائے گا،بشریٰ اقبال:فوٹو:فائل

ISLAMABAD: عامرلیاقت کی پہلی سابقہ اہلیہ سیدہ بشریٰ اقبال کا کہنا ہے کہ ان کے بچوں نے والد کا پوسٹمارٹم کرانے سے انکار کردیا ہے۔

سوشل میڈیا پربیان میں عامرلیاقت کی سابقہ پہلی بیوی سیدہ بشریٰ اقبال نے کہا کہ مرحوم کے دونوں وارثین احمد اور دعا عامر نے ان کا پوسٹ مارٹم کروانے سے منع کردیا ہے اور ان کی خواہش کے مطابق مرحوم کو عزت واحترام کے ساتھ ان کی آخری آرام گاہ تک لے جایا جائے گا۔

#AamirLiaquat pic.twitter.com/a7ZGA8uHLw
— Dr Bushra Iqbal🇵🇰 (@DrBushraIqbal) June 9, 2022

بشریٰ عامرکا مزید کہنا تھا کہ ان کی نماز جنازہ آج 10 جون کوبعد نماز جمعہ دوپہر2 بجے جامع مسجد عبداللہ شاہ غازی کلفٹن پرادا کی جائیگی اوروہیں مزار کے احاطے میں تدفین ہوگی۔