آرمی چیف کو سعودی عرب کے اعلیٰ ترین اعزاز سے نواز دیا گیا

سعودی ولی محمد بن سلمان نے جدہ آمد پر آرمی چیف کا استقبال کیا، ملاقات میں شاہ عبد العزیز میڈل سے نوازا (فوٹو : ٹویٹر)

---

لاہور: چیف آف آرمی اسٹاف جنرل قمر جاوید باجوہ کو سعودی عرب کے اعلیٰ ترین اعزاز شاہ عبد العزیز میڈل سے نوازا گیا ہے۔

ایکسپریس نیوز کے مطابق آرمی چیف جنرل قمر جاوید باجوہ سعودی عرب کے دورے پر جدہ پہنچے جہاں سعودی ولی عہد و نائب وزیراعظم شہزادہ محمد بن سلمان نے ان کا استقبال کیا۔

اس دوران انہوں نے مشترکہ دلچسپی کے متعدد امور کے علاوہ دوطرفہ تعلقات، خاص طور پر عسکری شعبوں میں تعاون کو فروغ دینے کے مواقع کا جائزہ لیا۔

تنفيذاً لأمر #خادم_الحرمين_الشريفين، سمو #ولي_العهد يقلد قائد جيش #باكستان وسام الملك عبدالعزيز من الدرجة الممتازة، تقديرا لجهوده المميزة في توطيد وتعزيز أواصر الصداقة والتعاون المشترك وتطوير العلاقات السعودية الباكستانية.https://t.co/DiGZrCvnxi#واس pic.twitter.com/oBwcXfMxgx

— واس الأخبار الملكية (@spagov) June 26, 2022

اس موقع پر آرمی چیف نے کہا کہ پاکستان مملکت کے ساتھ اپنے تاریخی اور برادرانہ تعلقات کو قدر کی نگاہ سے دیکھتا ہے۔

آرمی چیف نے سعودی چیف آف جنرل اسٹاف جنرل فیاض بن حمید الرویلی سے بھی ملاقات کی۔ ملاقاتوں میں باہمی دلچسپی کے امور، دوطرفہ دفاعی و سیکیورٹی تعاون اور علاقائی امن و استحکام پر تبادلہ خیال کیا۔

دریں اثنا نمائندہ خصوصی وزیر اعظم پاکستان برائے بین المذاہب ہم آہنگی طاہر اشرفی نے کہا ہے کہ ہم سعودی عرب کی قیادت خادم الحرمین الشریفین شاہ سلمان بن عبد العزیز اور ولی عہد امیر محمد بن سلمان اور سعودی عرب کی حکومت اور عوام کا شکریہ ادا کرتے ہیں۔

#فيديو_واس | تنفيذاً لأمر #خادم_الحرمين_الشريفين، سمو #ولي_العهد يقلد قائد جيش #باكستان وسام الملك عبدالعزيز من الدرجة الممتازة، تقديرا لجهوده المميزة في توطيد وتعزيز أواصر الصداقة والتعاون المشترك وتطوير العلاقات السعودية الباكستانية.#واس pic.twitter.com/UnDtNdM9ph

— واس الأخبار الملكية (@spagov) June 26, 2022

چیئرمین پاکستان علماء کونسل طاہر اشرفی نے کہا کہ جنرل قمر جاوید باجوہ کے لیے سعودی عرب کا اعلیٰ ترین اعزاز شاہ عبد العزیز میڈل پوری قوم اور وطن کے لیے اعزاز ہے، سپہ سالار قوم جنرل قمر جاوید باجوہ، افواج پاکستان اور پوری قوم کو مبارکباد پیش کرتے ہیں۔