21 سالہ پاکستانی یوٹیوبر عبداللہ خٹک ٹریفک حادثے میں جاں بحق

عبداللہ خٹک گزشتہ شب کراچی میں خوفناک ٹریفک حادثے کا شکار ہوئے تھے

ویب ڈیسک June 29, 2022

عبد اللہ خٹک غا خان یونیورسٹی کے ’ایم بی بی ایس‘ کے طالبِ علم تھے(فائل فوٹو)

پشاور سے تعلق رکھنے والا 21 سالہ یوٹیوبر عبداللّٰہ خٹک کار حادثے میں جاں بحق ہوگیا۔

یوٹیوبر اور بلاگر کے انتقال کی تصدیق ان کے بھائی اور دوستوں کی جانب سے انسٹاگرام پر کی گئی ہے، عبداللہ خٹک گزشتہ شب کراچی میں خوفناک کار حادثے کا شکار ہوئے تھے۔

عبد اللہ خٹک غا خان یونیورسٹی کے 'ایم بی بی ایس' کے طالبِ علم تھے ان کی بہن آمنہ خٹک نے اپنی انسٹاگرام اسٹوری میں بتایا کہ 'اُن کے چھوٹے بھائی عبداللّہ خٹک گزشتہ شب کراچی میں ایک روڈ حادثے میں جاں بحق ہوگئے'۔

21 سالہ پاکستانی یوٹیوبر عبداللّٰہ خٹک کار حادثے میں جاں بحق

21 سالہ پاکستانی یوٹیوبر عبداللّٰہ خٹک کار حادثے میں جاں بحق

اُنہوں نے دُعاؤں کی اپیل کرتے ہوئے بتایا کہ 'اُن کے بھائی کی نمازِ جنازہ آج اُن کے آبائی گھر میں ادا کی جائے گی'۔

We are deeply saddened by the tragic loss of our dear student and friend, Abdullah Khattak (MBBS '24), who met with a motorcycle crash earlier today. Our heartfelt condolences and prayers go out to his family and friends. pic.twitter.com/6HUaaHOsVa

- Aga Khan University (@AKUGlobal) June 29, 2022

یاد رہے کہ یوٹیوب پر عبداللّہ خٹک کے 82 ہزار سے زائد سبسکرائبرز ہیں جبکہ فوٹو اینڈ ویڈیو شیئرنگ ایپ انسٹاگرام پر اُنہیں 92 ہزار سے زائد صارفین نے فالو کیا ہوا ہے، ان کے جاں بحق ہونے کی خبر سامنے آنے کے بعد سے ٹوئٹر پر 'عبداللّہ خٹک' کا نام ٹاپ ٹرینڈ کررہا ہے،جبکہ سوشل میڈیا پر اُن کے مداحوں کی بڑی تعداد شدید دُکھ کا اظہار کر رہی ہے۔