طویل عرصے تک کینسر کے مرض میں مبتلا رہنے والا نوجوان بھارتی اداکار چل بسا

کشور داس کی عمر 30 سال تھی اور چنئی میں زیر علاج تھا

ویب ڈیسک July 03, 2022

کشور داس کا کینسر کے دوران کورونا ٹیسٹ بھی مثبت آیا تھا۔

PIND DADAN KHAN: بھارتی ریاست آسام سے تعلق رکھنے والا نوجوان اداکار کشور داس طویل عرصے تک کینسر کے مرض میں مبتلا رہنے کے بعد زندگی کی بازی ہار گیا۔

کشور داس کی عمر 30 سال تھی اور چنئی میں زیر علاج تھا۔

رپورٹس کے مطابق کشور داس کا کینسر کے دوران کورونا ٹیسٹ بھی مثبت آیا تھا جس کے باعث 30 سالہ اداکار کی طبعیت مزید بگڑ گئی تھی۔

چند ہفتے قبل، کشور داس نے کیموتھراپی کے چوتھے مرحلے کے دوران اسپتال سے اپنی ایک تصویر شیئر کرتے ہوئے صحت سے متعلق آگاہ کیا تھا۔

اپنی پوسٹ میں اداکار نے بتایا تھا کہ کیموتھراپی کے باعث اسے تھکاوٹ، متلی، چکر آنا، جسم کی کمزوری، اور قے آنا کا بھی سلسلہ رہا۔