بابراعظم کا ویرات کوہلی کو مضبوط رہنے کا پیغام

بھارتی ٹیم کے سابق کپتان ویرات کوہلی کو خراب کارکرگی پرشدید تنقید کا سامنا ہے

ویب ڈیسک July 15, 2022

بابر اعظم نے ویرات کولہی کے ساتھ اپنی تصویربھی شئیرکی:فوٹو:سوشل میڈیا

ISLAMABAD: پاکستان کرکٹ ٹیم کے کپتان بابر اعظم نے آؤٹ آف فارم بھارتی بیٹسمین اورسابق کپتان ویرات کوہلی کو حوصلہ افزا پیغام دے دیا۔

قومی ٹیم کے کپتان بابر اعظم نے خراب فارم کے باعث مشکلات کا سامنا کرتے سابق بھارتی کپتان ویرات کوہلی کا حوصلہ بڑھانے کے لئے ٹوئٹر پرپیغام میں کہا کہ یہ وقت بھی گزر جائے گا۔ مضبوط رہیں۔بابر اعظم نے ٹوئٹ میں ٹی 20 ورلڈ کپ کے دوران لی گئی اپنی اورویرات کوہلی کی تصویربھی شئیرکی۔

This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022

بھارت کے اسٹار بیٹسمین ویرات کوہلی کوحالیہ ناقص کارکردگی کے باعث شدید تنقید کا سامنا ہے۔بھارتی کرکٹ بورڈ نے دورہ ویسٹ انڈیز کے لئے آؤٹ آف فارم ویرات کوہلی کو ڈراپ کردیا ہے۔

بھارتی میڈیا کے مطابق سابق کپتان ویرات کوہلی کو دورہ ویسٹ انڈیز کے لیے آرام دیا گیا ہے۔ کولہی پہلے آؤٹ آف فارم تھے اور اب فٹنس کے مسائل سے دوچار ہیں۔