انگلش کرکٹ بورڈ کا وفد پاکستان پہنچ گیا

ای سی بی کا چاررکنی وفد پاکستان اورانگلینڈ میچز کے لئے سیکورٹی کا جائزہ لے گا


Sports Reporter July 18, 2022
انگلینڈ کرکٹ ٹیم رواں سال ٹی 20 اورٹیسٹ میچز کے لئے پاکستان کا دورہ کرے گی:فوٹو:فائل

MOSCOW: انگلش کرکٹ بورڈ(ای سی بی) کا چاررکنی جائزہ وفد پاکستان پہنچ گیا۔

ای سی بی کا جائزہ وفد پاکستان پہنچ گیا۔پاکستان کرکٹ بورڈ کے حکام نے اسلام آباد ائیرپورٹ پرانگلش کرکٹ بورڈ کے وفد کا استقبال کیا۔ چار رکنی وفد میں پلیئرز ایسوسی ایشن، سکیورٹی اور کرکٹ آپریشنز کے ارکان شامل ہیں۔

مہمان وفد کراچی،لاہور، راولپنڈی اور ملتان میں سیکیورٹی سمیت انتظامات کا جائزہ لے گا۔ انگلش ٹیم رواں سال ٹی 20 ورلڈ کپ سے قبل 7 ٹی ٹوئنٹی میچز اور بعد میں 3 ٹیسٹ میچز کیلیے پاکستان آئے گی۔ ٹی 20 میچز صرف 2 وینیوز کراچی اور لاہور میں ہوسکتے ہیں، ۔دو وینیوز کی صورت میں 4 ٹی ٹوئنٹی کراچی جبکہ 3 لاہور میں کھیلے جائیں گے۔

مزید پڑھیں: انگلش بورڈ کا 4 رکنی وفد آج پاکستان پہنچے گا

 

ذرائع کے مطابق پاکستان اور انگلینڈ کے درمیان 20، 22، 23 اور 25 ستمبر کو کراچی میں جبکہ لاہور میں 28، 30 ستمبر اور 2 اکتوبر کو ٹی 20 میچز شیڈول کیے جانے کا امکان ہے۔ٹی 20 ورلڈ کپ کے بعد انگلینڈ کی ٹیم ٹیسٹ میچز کھیلنے کے لیے پاکستان آئے گی۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔