پنجاب ضمنی انتخابات میں پی ٹی آئی کی کامیابی پر شوبز شخصیات کا ردعمل

عمران خان کی حمایت کرنے والے تمام اداکار ان کی جیت کا بھرپور جشن منا رہے ہیں

ویب ڈیسک July 18, 2022

شوبز انڈسٹری سے تعلق رکھنے والے افراد پی ٹی آئی کی جیت کا جشن منا رہے ہیں(فائل فوٹو)

RAWALPINDI: پنجاب کے ضمنی انتخابات میں پی ٹی آئی کی کامیابی پر شوبز انڈسٹری سے تعلق رکھنے والے کئی شخصیات کی جانب سے ردِعمل سامنے آیا ہے۔

پاکستان تحریکِ انصاف کی شاندار کامیابی پر پاکستان شوبز انڈسٹری کے معروف فنکاروں کی جانب سے خوشی کا اظہار کیا جا رہا ہےاور عمران خان کی حمایت کرنے والے تمام اداکار ان کی جیت کا بھرپور جشن منا رہے ہیں۔

شوبز انڈسٹری کی سینئر اداکارہ ثمینہ پیر زادہ، فیصل قریشی عمر رانا سمیت کئی فنکاروں نے سوشل میڈیا پر اپنی پوسٹ اور اسٹوری کے زریعے پی ٹی آئی کی جیت پر ردِعمل دیا ہے۔

میرے پیارے رب - شکریہ

- Samina Peerzada (@SaminaSays) July 17, 2022

سینئر اداکارہ ثمینہ پیر زادہ نے ٹوئٹ کرتے ہوئے پاکستان تحریک انصاف کی جیت پر اللہ کا شکر ادا کیا۔ اسکری شاٹ

اداکار عمیر رانا نے انتخابات کے دوران انسٹاگرام اسٹوری پرسوشل میڈیا صارفین سے درخواست کی کہ برائے مہربانی جائیں اور بلے پر ٹھپہ لگا کر پی ٹی آئی کو جتوائیں۔

Imran Khan is once again SELECTED by the people of Pakistan. Hunn araam hai?! #ByElection2022 - Haroon Shahid (@Haroon_5hahid) July 17, 2022

ہارون شاہد نے اپنی ٹوئٹ میں خوشی کا اظہار کرتے ہوئے لکھا کہ ایک مرتبہ پھر عوام نے عمران خان کو منتخب کیا ہے، یہ تو بس 2022 کے عام انتخابات کے لیے وارم اپ تھا۔

To all the Insafians today. Remember how we stepped out and safeguarded our vote today. This was just the warm up for the GE 2022! 💪🏼❤️#پنجاب_تحریک_انصاف_کا

- Haroon Shahid (@Haroon_5hahid) July 17, 2022

اپنی ایک ٹوئٹ میں ہارون شاہد نے پیپلز پارٹی کے بلاول بھٹو زرداری کے لیے لکھا کہ 'نئے پاکستان میں آپ کو خوش آمدید'۔