عدنان سمیع نے گلوکاری کو خیرباد کہہ دیا

عدنان سمیع نے اپنے انسٹاگرام اکاؤنٹ سے تمام پوسٹ ڈیلیٹ کر دیئے

ویب ڈیسک July 19, 2022

سوشل میڈیا صارفین کا کہنا ہے کہ عدنان نے گلوکاری کو خیرباد کہہ دیا ہے(فائل فوٹو)

معروف گلوکار عدنان سمیع نے اپنے انسٹاگرام اکاؤنٹ سے تمام پوسٹ ڈیلیٹ کر دیئے ہیں۔

دنیا بھر میں مشہور گلوکار اور میوزک کمپوزر عدنان سمیع نے اپنے آفیشل انسٹاگرام اکاؤنٹ سے تمام پرانی پوسٹ ڈیلیٹ کر دی ہیں جس کی وجہ سے ان کے مداح تشویش میں مبتلا ہیں۔

گلوکار نے تمام پوسٹ ڈیلیٹ کرنے کے بعد ایک ویڈیو اب لوڈ کی ہے جس میں 'الوداع' لکھا ہے جبکہ اس ویڈیو کے کیپشن میں بھی انہوں نے الوداع لکھا ہے۔

View this post on Instagram

A post shared by Adnan Sami (@adnansamiworld)

اس ویڈیو پر عدنان سمیع کے مداحوں اور سوشل میڈیا صارفین نے سوالوں کے ڈھیر لگا دیئے ہیں۔

سوشل میڈیا صارفین کا کہنا ہے کہ عدنان نے گلوکاری کو خیرباد کہہ دیا ہے جبکہ ان کے مداح پُرامید ہیں کہ وہ کوئی نئی شروعات یا نیا گانا پیش کرنے جارہے ہیں تاہم ابھی گلوکار کی جانب سے کوئی بیان سامنے نہیں آیا۔