کسی کو لسانی تقسیم کی اجازت نہیں دیں گے قائم مقام گورنرسندھ

بلدیاتی انتخابات کا پہلا مرحلہ پرامن ہوا دوسرا بھی امن سے مکمل ہوگا، آغا سراج درانی

ویب ڈیسک July 20, 2022

سندھ میں امن قائم رکھنے کے لئے ادارے کام کررہے ہیں، آغا سراج درانی:فوٹو:فائل

لاہور: سندھ کے قائم مقام گورنر آغا سراج درانی نے کہا ہے کہ کسی کو بھی لسانی تقسیم کی اجازت نہیں دیں گے۔

کراچی میں حضرت عبداللہ شاہ غازی کے 1292ویں عرس کی افتتاحی تقریب کے بعد میڈیا سے گفتگو میں قائم مقام اسپیکر سندھ آغا سراج درانی نے کہا کہ کسی کو لسانی تقسیم کی اجازت نہیں دیں گے۔ سندھ کا امن مقدم ہے اسے قائم رکھا جائے گا۔صوبے میں امن و امان قائم رکھنے کے لئے ادارے کام کررہے ہیں۔

قائم مقام گورنر نے مزید کہا کہ بلدیاتی انتخابات کا پہلا مرحلہ پُر امن ہوا دوسرا بھی امن سے مکمل ہوگا۔ جو بھی غیرقانونی طورپر رہائش پذیر ہے اسے واپس اپنےملک بھیجا جائے گا۔ صوبے میں امن قائم رہے اورلوگ خوشحال زندگی گزاریں اس کے لئے دعا کرتے ہیں۔