تحریک انصاف کی پی پی 7 راولپنڈی میں ووٹوں کی دوبارہ گنتی کی درخواست مسترد

پی ٹی آئی نے حلقہ پی پی سات میں ووٹوں کی دوبارہ گنتی کی درخواست دی تھی:فوٹو:فائل

---

الیکشن کمیشن نے پی ٹی آئی کی حلقہ پی پی 7 راولپنڈی میں ووٹوں کی دوبارہ گنتی کی درخواست مسترد کردی۔

الیکشن کمیشن نے پی پی 7 راولپنڈی میں ووٹوں کی دوبارہ گنتی کی درخواست مسترد کردی۔ دوبارہ گنتی کی درخواست پاکستان تحریک انصاف نے دی تھی۔

پی ٹی آئی کے 15 نومنتخب ارکان اسمبلی اورایک آزاد رکن رفیع الدین نے حلف اٹھا لیا۔ اسپیکرپنجاب اسمبلی چوہدری پرویز الہٰی نے حلف لیا۔ مسلم لیگ (ن) کے نومنتخب ارکان حلف لینے نہیں پہنچے۔ الیکشن کمیشن نے آج پنجاب اسمبلی کے 19 نومنتخب ارکان کی کامیابی کا نوٹیفکیشن جاری کیا تھا۔

پی ٹی آئی نے پی پی 7 میں ووٹوں کی دوبارہ گنتی کی درخواست دی تھی جس کے باعث اس حلقے سے کامیاب امیدوار کا نوٹیفکیشن جاری نہیں کیا گیا تھا۔

پی پی 7 راولپنڈی کا کیس لاہور ہائیکورٹ راولپنڈی بینچ کے حکم پرالیکشن کمیشن میں زیرسماعت تھا جس کا فیصلہ محفوظ کرلیا گیا تھا جو آج سنایا گیا۔