تاریخ میں پہلی بار یکم محرم کوغلاف کعبہ تبدیل کردیا گیا

غلاف کعبہ کی روح پرور تقریب میں امام کعبہ عبدالرحمٰن السدیس نے بھی شرکت کی

ویب ڈیسک July 30, 2022

غلاف کعبہ کو کسوہ کہاجاتا ہے اور یہ مجموعی طورپر16 ٹکڑوں پرمشتمل ہوتا ہے:فوٹو:فائل

لاہور: مسجد الحرام میں غلاف کعبہ کی تبدیلی کا پُر نورعمل مکمل ہوگیا ۔

حرمین شریفین کے امور کی نگراں وزارت کے مطابق غلاف کعبہ کی تبدیلی کی تقریب میں امام کعبہ اورحرمین شریفین امور کی جنرل پریزیڈینسی کے صدر شیخ عبدالرحمٰن السدیس نے بھی شرکت کی۔

مسجد الحرام میں موجود سیکڑوں عازمین نے غلاف کعبہ کی تبدیلی کا روح پرور منظردیکھا اوردعائیں کیں۔ غلاف کعبہ کی تبدیلی میں کلید بردار کعبہ، منتظمین ، سعودی حکام اورغلاف ساز کسوہ فیکٹری کے منتظمین سمیت 200 سے زائد ماہرین اورتربیت یافتہ کارکنوں نے حصہ لیا۔

A closeup view of the new Kiswah being donned on the Kabah#KiswahCeremony1444 pic.twitter.com/mfWFDT80iP
— Inside the Haramain (@insharifain) July 29, 2022

غلاف کعبہ کو کسوہ کہتے ہیں اوریہ مجموعی طور پر16 ٹکڑوں پرمشتمل ہوتا ہے۔ کسوہ کی لمبائی 50 فٹ اور چوڑائی 35 سے 40 فٹ ہے۔

غلاف کعبہ کی تبدیلی کی تقریب ہر سال 9 ذی الحج کو ہوتی تھی تاہم رواں سال تاریخ تبدیل کرکے یکم محرم کو غلاف کعبہ تبدیل کرنے کا اعلان کیا گیا تھا۔