27 فروری پاکستانیوں کے پرامن قوم ہونے کا ثبوت ہے آئی ایس پی آر

پاکستانی قوم اور مسلح افواج دشمن کی کسی بھی مہم جوئی کا بھرپور جواب دیں گی، ڈی جی آئی ایس پی آر

ویب ڈیسک February 27, 2023

مسلح افواج ملک کے دفاع کے لیے ہر وقت تیارہے،آئی ایس پی آر:فوٹو:سوشل میڈیا

چیئرمین جوائنٹ چیفس آف سٹاف کمیٹی اور مسلح افواج کے سربراہان نے'آپریشن سوئفٹ ریٹارٹ 'کے 4 سال مکمل ہونے پر قوم اور مسلح افواج کو خراج تحسین پیش کیا ہے۔

ڈائریکٹر جنرل (ڈی جی) آئی ایس پی آر کی جانب سے 'آپریشن سوئفٹ ریٹارٹ' کے4 برس مکمل ہونے پر جاری بیان میں کہا کہ بھارت نے پلواما فالس فلیگ آپریشن کے بعد بزدلانہ حملے کی کوشش کی۔ پاکستان نے جراتمندی سے بھارتی مذموم عزائم کو ناکام بنا دیا۔

CJCSC, Services Chiefs & AFs of Pak pay tribute to the resilience of nation & resolve of AFs displayed during Operation Swift Retort. Under the pretext of false flag Pulwama attack, India stage managed a cowardly attack on a fictitious target. 1/3
— DG ISPR (@OfficialDGISPR) February 27, 2023

ڈی جی آئی ایس پی آر نے مزید کہا کہ 27 فروری اس بات کا ثبوت ہے کہ پاکستانی پرامن قوم ہے۔ مسلح افواج ملک کے ایک ایک انچ کا دفاع کرنے کے لیے ہر وقت تیار ہے۔ دشمن نے کسی بھی قسم کی مہم جوئی کی تو پاکستانی قوم اور مسلح افواج اس کا بھرپور جواب دیں گی۔