کیا اب بھی شاہد آفریدی فرنچائز کرکٹ کھیلیں گے لالہ کا بیان سامنے آگیا

گزشتہ برس بھی ٹی10 لیگ کی آفر ملی تھی، سابق کپتان کا انکشاف

ویب ڈیسک May 03, 2023

گزشتہ برس بھی ٹی10 لیگ کی آفر ملی تھی، سابق کپتان کا انکشاف (فوٹو: فائل)

قومی کرکٹ ٹیم کے سابق چیف سلیکٹر اور کپتان شاہد آفریدی نے انکشاف کیا ہے کہ آئندہ آنے والے مہینوں میں وہ دوبارہ فرنچائز کرکٹ لیگز میں کھیلتے ہوئے دیکھائی دیں گے۔

نجی ٹی وی چینل کے پروگرام میں گفتگو کرتے ہوئے شاہد آفریدی نے کہا کہ گزشتہ کچھ عرصے سے فٹنس پر کام کررہا تھا تو ٹورنامنٹس میں شرکت نہیں کرسکا تھا، '' مجھے گزشتہ برس ٹی10 لیگ کھیلنے کی آفر ملی تھی لیکن میں کچھ ذاتی وابستگیوں کی وجہ سے وہاں نہیں جاسکا تاہم اس سال آفر ہوئی تو میں انشاء اللہ کھیلوں گا''۔

انہوں نے مداحواں کے سوالات کا جواب دیتے ہوئے کہا کہ کینیڈا ٹی 20 لیگ، امریکی لیگ اور سندھ پریمیئر لیگ (ایس پی ایل) میں شرکت کروں گا، جہاں شائقین مجھے ایکشن میں دیکھ سکیں گے۔

مزید پڑھیں: لیجنڈز لیگ؛ شاہد آفریدی کا جُوا کھیلنے والی کمپنی کی شرٹ پہننے سے انکار

گزشتہ برس شاہد آفریدی نے قطر میں کھیلی گئی لیجنڈز لیگ میں ایشین لائنز کی کپتانی کے فرائض نبھائے تھے، انکی قیادت میں ایشین لائنز نے ٹائٹل اپنے نام کیا تھا۔

Good news for Shahid Afridi fans, Lala is ready to take part in 3/4 tournaments coming around. I can't wait to see him in action again. Thank you @SAfridiOfficial for answering my question. #GameSetMatch pic.twitter.com/Xr5pA6IlSX
— Usman Satti (@usmansatti476) May 2, 2023