کپل شرما شو کے اداکار نے فیس بک لائیو سیشن میں زہر پی لیا

تیرتھ آنند نے خود کشی کا ذمہ دار اپنی دوست کو قرار دیا

ویب ڈیسک June 14, 2023

اداکار کو بیہوشی کی حالت میں اسپتال منتقل کیا گیا:فوٹو:فائل

کپل شرما شو کے اداکار نے فیس بک پر لائیوسیشن کے دوران زہر پی لیا۔

بھارتی میڈیا کے مطابق کپل شرما شو کی ٹیم میں شامل اداکار تیرتھ آنند راؤ نے اپنے آفیشل فیس بک اکاؤنٹ پر لائیو سیشن کیا۔ اس دوران انہوں نے کہا کہ پچھلے 2 ماہ سے میرے ایک لڑکی کے ساتھ تعلقات ہیں جو مجھے جذباتی طور پر بلیک میل کررہی ہے۔

تیرتھ آنند نے دعویٰ کیا کہ ان کی خاتون دوست کی وجہ سے سے وہ 3 سے 4 لاکھ روپے کے مقروض ہوگئے ہیں اس لیے وہ خود کشی کر رہے ہیں۔ میری دوست ہی میری خود کشی کی ذمہ دار ہے۔تیرتھ آنند نے اپنی بات ختم کرنے کے بعد زہر پی لیا۔ انہیں فوری طور پر بے ہوشی کی حالت میں اسپتال منتقل کیا گیا۔ تیرتھ آنند 2021 میں بھی خود کشی کی کوشش کر چکے ہیں۔

تیرتھ آنند مشہور ہوسٹ اور اداکار کپل شرما کے ساتھ کامیڈی سرکس کا عجوبہ سمیت دیگر شوز میں کام کرچکے ہیں۔