وسیم بادامی نے پہلے ہی ثانیہ مرزا کو شعیب اور ثنا کی دوستی سے آگاہ کردیا تھا

20 جنوری کی صبح شعیب ملک نے ثنا جاوید سے دوسری شادی کا اعلان کرکے اپنے مداحوں سمیت دوستوں کو بھی حیران کیا

وسیم بادامی نے پہلے ہی شعیب ملک کی شادی کی پیش گوئی کردی تھی : فوٹو : ویب ڈیسک

---

پاکستان کے معروف میزبان وسیم بادامی نے پہلے ہی ڈھکے چُھپے الفاظ میں سابق بھارتی ٹینس اسٹار ثانیہ مرزا کو شعیب ملک اور ثنا جاوید کی دوستی سے متعلق اشارہ دے دیا تھا۔

20 جنوری کی صبح شعیب ملک نے ثنا جاوید سے دوسری شادی کا اعلان کرکے اپنے مداحوں سمیت دوستوں کو بھی حیران کیا، یہ خبر پاکستان سمیت بھارت میں بریکنگ نیوز بن کر سامنے آئی۔

اب شعیب ملک کی دوسری شادی کے بعد وسیم بادامی کا ایک ویڈیو کلپ سوشل میڈیا پر وائرل ہورہا ہے جس میں وہ شعیب ملک سے متعلق ثانیہ مرزا کو آگاہ کرتے نظر آرہے ہیں۔

وسیم بادامی نے کچھ عرصہ قبل شائستہ لودھی کے ہمراہ اداکار و میزبان احسن خان کے پروگرام میں بطورِ مہمان شرکت کی تھی، دورانِ پروگرام وسیم بادامی نے ثانیہ مرزا سے مخاطب ہوتے ہوئے کہا تھا کہ "بھابھی! آپ چیک کرلیں کہ شعیب ملک گیم شو 'جیتو پاکستان' میں صرف کھیلنے آئے تھے یا پھر کسی کا دل بھی جیت کر لے گئے؟"

مزید پڑھیں: ثانیہ مرزا کا شعیب ملک کی دوسری شادی پر نیک خواہشات کا اظہار

یہ بات سُن کر شائستہ لودھی نے فوراََ ثانیہ مرزا سے مخاطب ہوتے کہا تھا کہ "آپ وسیم بادامی کی باتوں میں نہ آئیں، ان کا اپنا ریکارڈ خراب ہے، اسی لیے شعیب ملک کے بارے میں بھی ایسا بول رہے ہیں"۔

اس پر وسیم بادامی نے ایک بار پھر ثانیہ مرزا سے کہا تھا کہ "آپ ایک بار چیک کرلیں، ہمارے پاس اطلاعات تھیں جو میں نے آپ کو بتا دیں"۔

View this post on Instagram

A post shared by Galaxy Lollywood (@galaxylollywood)

واضح رہے کہ شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔

دسمبر 2022 سے شعیب ملک اور ثانیہ مرزا کی طلاق کی خبریں سوشل میڈیا پر زیرِ گردش تھیں لیکن دونوں اسٹارز کی جانب سے طلاق کی تردید یا تصدیق نہیں کی گئی تھی، تاہم اب شعیب ملک کی دوسری شادی کے بعد ثانیہ مرزا کے والد نے اُن کی بیٹی کی طلاق کی تصدیق کردی ہے۔

مزید پڑھیں: فہد مصطفیٰ نے شعیب ملک اور ثنا جاوید کی شادی کروائی؟

دوسری جانب اداکارہ ثنا جاوید نے سال 2020 میں گلوکار عمیر جسوال سے پہلی شادی کی تھی، اس جوڑی نے اپنے نکاح کی تصاویر انسٹاگرام اکاؤنٹ پر پوسٹ کی تھیں۔

facebook twitter whatsapp mail

تبصرے

کا جواب دے رہا ہے۔ X

محفوظ کر لیا! آپ کا تبصرہ منظوری کے بعد ظاہر کیا جائے گا۔

غلطی!

غلطی! غلط ای میل۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔