شعیب ملک کی شادی میں خاندان کی عدم موجودگی کا دعویٰ تصویر وائرل

کہا جارہا تھا کہ شعیب ملک کی فیملی کے کسی بھی فرد نے اُن کی اور ثنا جاوید کی شادی میں شرکت نہیں کی

ویب ڈیسک January 21, 2024

شعیب ملک کے بھائی نے اُن کی شادی میں شرکت کی : فوٹو : انسٹاگرام

قومی کرکٹ ٹیم کے سابق کپتان و آل راؤنڈر شعیب ملک اور اداکارہ ثنا جاوید کی شادی سے متعلق یہ دعویٰ کیا جارہا تھا کہ اس شادی پر دولہے کے خاندان نے شرکت نہیں کی تھی لیکن اب کرکٹر کے بھائی نے شادی کی تصویر جاری کردی ہے۔

شعیب ملک کے بھائی عدیل ملک نے کرکٹر اور ثنا جاوید کے ہمراہ لی گئی تصویر اپنے آفیشل انسٹاگرام اکاؤنٹ پر پوسٹ کی جس سے یہ ظاہر ہوتا ہے کہ اُنہوں نے شادی میں شرکت کی تھی۔

عدیل ملک نے اپنے بھائی شعیب ملک اور ثنا جاوید کو شادی کی مبارکباد دی اور ساتھ ہی اداکارہ سے مخاطب ہوتے ہوئے کہا کہ "بھابھی! آپ کو ملک فیملی میں خوش آمدید، آپ دونوں خوش رہو، آمین"۔

View this post on Instagram

A post shared by Adeel Malik (@adeelmalik500)

اُنہوں نے پوسٹ کے علاوہ اپنی انسٹاگرام اسٹوری میں بھی شعیب ملک اور ثنا جاوید کو شادی کی مبارکباد دی جس پر اس جوڑی نے عدیل ملک کا شکریہ بھی ادا کیا۔

یاد رہے کہ شعیب ملک کے بہنوئی نے میڈیا سے گفتگو کرتے ہوئے کہا تھا کہ کرکٹر کے اہلخانہ اُن کی اور ثانیہ مرزا کی طلاق پر ناراض ہیں اور اُن کی فیملی کے کسی بھی فرد نے اُن کی اور ثنا جاوید کی شادی میں شرکت نہیں کی۔

مزید پڑھیں: ثانیہ مرزا کا شعیب ملک کی دوسری شادی پر ردعمل

دوسری جانب شعیب ملک کی دوسری شادی کے اعلان کے بعد ثانیہ مرزا کے والد عمران مرزا نے بھارتی میڈیا سے گفتگو کرتے ہوئے اپنی بیٹی کی طلاق کی تصدیق بھی کردی تھی، اُن کا کہنا تھا کہ ثانیہ مرزا نے شعیب ملک سے خلع لی ہے۔

واضح رہے کہ ان دونوں اسٹارز کی یہ دوسری شادی ہے، شعیب ملک نے پہلی شادی سال 2010 میں بھارتی ٹینس اسٹار ثانیہ مرزا سے کی تھی جبکہ ثنا جاوید نے پہلی شادی سال 2020 میں گلوکار عمیر جیسوال سے کی تھی۔

مزید پڑھیں: وسیم بادامی نے پہلے ہی ثانیہ مزرا کو شعیب اور ثنا کی دوستی سے آگاہ کردیا تھا؟

سابق بھارتی ٹینس اسٹار ثانیہ مرزا سے شعیب ملک کا ایک بیٹا اذہان مرزا ملک ہے جس کی پیدائش 2018 میں ہوئی تھی۔