فی تولہ سونے کی قیمت میں 1600 روپے کا بڑا اضافہ
عالمی مارکیٹ میں بھی 28 ڈالر کا اضافہ ہوا، جس کے بعد قیمت 2363 ڈالر پر پہنچ گئی
عالمی مارکیٹ میں سونے کی قیمت میں اضافے کے باعث مقامی صرافہ بازاروں میں فی تولہ سونے کی قیمت میں بڑا اضافہ ریکارڈ کیا گیا ہے۔
تفصیلات کے مطابق عالمی مارکیٹ میں ٹریڈنگ کے دوران سونے کی فی اونس قیمت میں 28 ڈالر کا اضافہ ہوا جس کے بعد قیمت 2363 ڈالر فی اونس پر پہنچ گئی۔
عالمی مارکیٹ میں اضافے کے باعث مقامی صرافہ بازاروں میں جمعے کے روز فی تولہ سونے کی قیمت 1600 روپے اضافے سے 2 لاکھ 42 ہزار 900 پر پہنچ گئی۔
اسی طرح دس گرام سونے کی قیمت 1372 روپے اضافے سے 2 لاکھ 8 ہزار 248 روپے کی سطح پر پہنچ گئی۔