190 ملین پاؤنڈ کیس چیف جسٹس پراپرٹی ٹائیکون کو کیوں نہیں بلاتے علیمہ خان

آئندہ ہفتے کو سزا کیلئے رکھا ہوا ہے لیکن ہمارے وکلاء کو اڈیالہ جیل میں جانے دیا گیا

August 17, 2024

آئندہ ہفتے کو سزا کیلئے رکھا ہوا ہے لیکن ہمارے وکلاء کو اڈیالہ جیل میں جانے دیا گیا (فوٹو : فائل)

سابق وزیراعظم عمران خان کی ہمشیرہ علیمہ خان نے سوال ہے کیا کہ 190 ملین پاؤنڈ کیس میں چیف جسٹس آف پاکستان قاضی فائز عیسیٰ پراپرٹی ٹائیکون کو کیوں نہیں بلاتے؟۔

اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ قاضی فائز عیسیٰ سے پوچھنا چاہتی ہوں کہ پراپرٹی ٹائیکون کا نام کیوں نہیں لیا جارہا، سپریم کورٹ میں چیف جسٹس نے 190 ملین پاؤنڈ پر ریمارکس دیئے لیکن پراپرٹی ٹائیکون کو عدالت نہیں بلا رہے۔

علیمہ خان نے کہا کہ سپریم کورٹ نے پراپرٹی ٹائیکون پر جرمانہ عائد کیا تھا، پراپرٹی ٹائیکون عدالت میں پیش ہوں اور جواب دیں، جن جن کے اس کیس میں نام ہیں ان کو بھی طلب کیا جائے۔

انہوں نے کہا کہ احتساب عدالت کے ججز نے آئندہ ہفتے کو سزا کے لیے رکھا ہوا ہے لیکن ہمارے وکلاء کو آج بھی تاخیر سے اڈیالہ جیل میں جانے دیا گیا۔