آئینی ترامیم پی ٹی آئی کے 3ارکان قومی اسمبلی کے غائب ہونے کا انکشاف
پی ٹی اے آزاد اراکین کی جانب سے آئینی ترمیم کے حق میں ووٹ دیے جانے کا امکان ہے
آئینی ترامیم کا معاملے پر پاکستان تحریک انصاف (پی ٹی آئی) کے تین اراکین قومی اسمبلی کے غائب ہونے کا انکشاف ہوا ہے۔
ذرائع کے مطابق این اے 59 سے آزاد امیدوار اورنگزیب کھچی اور ساہیوال سے جیتنے والے آزاد امیدوار عثمان علی سے پی ٹی آئی کی قیادت کا رابطہ نہیں ہو پا رہا۔
پارٹی ذرائع کا کہنا ہے کہ ظہور قریشی پی ٹی آئی قیادت کو ٹال مٹول کرنے لگے، ظہور قریشی ہمیں کہہ رہے ہیں کہ ملک سے باہر ہوں جبکہ وہ ملک میں ہی موجود ہیں۔
مزید پڑھیں؛ پی ٹی آئی کا آئینی ترمیم کا حصہ نہ بننے اور ووٹنگ کے بائیکاٹ کا اعلان
پی ٹی آئی کے آزاد اراکین کی جانب سے آئینی ترمیم کے حق میں ووٹ دیے جانے کا امکان ہے۔
واضح رہے کہ پاکستان تحریک انصاف نے آئینی ترمیم کو متنازع اور غیر شفاف قرار دیتے ہوئے اس کا حصہ نہ بننے اور ووٹنگ کا بائیکاٹ کرنے کا اعلان کیا ہے۔