- کراچی میں درجہ حرارت 48 ڈگری محسوس کیا گیا، کل سے سمندری ہوائیں چلنے کا امکان
- ٹی 20 فائنل؛ بھارت کا جنوبی افریقا کے خلاف ٹاس جیت کر بیٹنگ کا فیصلہ
- ٹی 20 فائنل: بارش کے باعث میچ منسوخ ہوا تو کون چیمپئن بنے گا؟
- سندھ ہائیکورٹ: صوبائی حکومت کی 2023 کے اشتہار پر ہونے والی 54 ہزار سے زائد بھرتیاں کالعدم
- لاہور: ایف آئی اے کی انسانی اسمگلروں کے خلاف کارروائی کے دوران دو ملزمان گرفتار
- ایک واقعے کی ایک سے زائد ایف آئی آر درج نہیں ہوسکتی، اسلام آباد ہائیکورٹ کا حکم
- اے این ایف کی کارروائیاں، 111 کلوگرام سے زائد منشیات برآمد
- ن لیگ اور اتحادی آپس میں نورا کشتی سے ملک تباہ کر رہے ہیں، حافظ نعیم
- اڈیالہ جیل میں قیدیوں کے درمیان لڑائی، کٹر کے وار سے ایک شدید زخمی
- چیئرپرسن وقار نسواں کمیشن کا لڑکیوں کی تعلیم مخالف وڈیو کا نوٹس
- کراچی میں سمندر میں نہانے پر ایک ماہ کےلیے مکمل پابندی
- افغانستان سے متعلق دوحہ مذاکرات کل سے ہونگے، پاکستانی وفد شرکت کرے گا
- 11 ارکان پنجاب اسمبلی کی معطلی پر اپوزیشن کا اسمبلی گیٹ پر دھرنا، اپنی اسمبلی لگالی
- موبائل ڈیٹا کی عدم فراہمی؛ دہشت گردی کے متعدد کیسز التوا کا شکار
- خواتین کو وراثت میں حصہ نہ دینا اسلامی تعلیمات کے خلاف ہے، چیف جسٹس
- سرحد پار حملے کی صورت میں نتائج کا ذمہ دار پاکستان ہو گا، افغانستان
- عمران خان نے پارٹی میں دھڑے بندی اور فاروڈ بلاک والے اراکین کے نام مانگ لیے
- پی ٹی آئی کی مخصوص نشستوں کے کیس میں لارجر بینچ بنانے کی درخواست
- آئی ایم ایف کا 10 جولائی سے قبل بجلی و گیس کی قیمتوں میں اضافے کا مطالبہ
- رواں مالی سال وفاق نے سندھ میں جاری 16 منصوبوں کیلیے کوئی رقم جاری نہیں کی
کراچی میں مون سون کے اثرات نمودار، گرد آلود ہوائیں اور بوندا باندی
![فوٹو: فائل](https://c.express.pk/2024/06/2657648-duststorm-1719415982-421-640x480.jpg)
فوٹو: فائل
کراچی: مون سون سسٹم کے اثرات، بدھ کی سہ پہرشہر کے مختلف علاقوں میں آندھی کے دوران معمول سے تیز گرد آلود ہوائیں چلیں۔
محکمہ موسمیات کے مطابق بدھ کو شہر کا موسم گزشتہ کئی روز کی طرح گرم ومرطوب رہا، صبح سے دوپہرکے درمیان سمندری ہوائیں غیرفعال رہیں جبکہ بلوچستان کی شمال مغربی سمت کی ہواؤں نے شہرکا رخ کیا، اس دوران شدید حبس و حدت محسوس کی گئی اورہیٹ ویو جیسی صورتحال رہی، شہرکا زیادہ سے زیادہ درجہ حرارت 39 ڈگری جبکہ ہوا میں نمی کاتناسب 48 فیصد رہا، ہیٹ انڈیکس 50 ڈگری سینٹی گریڈ رہا، کچھ علاقوں میں پھواراوربوندا باندی بھی ہوئی۔
سہ پہرکے وقت اچانک شہرکا موسم تبدیل ہوا جس کے دوران ابتدا میں شہرکے مضافاتی علاقوں گڈاپ وسرجانی ٹاؤن میں اچانک آندھی چلی اوراس دوران تیزرفتارگرد آلود ہوائیں ریکارڈ ہوئیں، جس کی رفتار54 کلومیٹرفی گھنٹہ رہی، بعد ازاں شہر کے دیگر علاقوں کورنگی، فیڈرل بی ایریا، عائشہ منزل اور واٹرپمپ سمیت دیگرعلاقوں میں بھی گرد آلود ہوائیں چلیں۔
محکمہ موسمیات ارلی وارننگ سینٹرکی پیش گوئی کے مطابق صوبے میں آئندہ 3 روزکے دوران موسم شدید گرم رہنے کا امکان ہے، جمعرات اور جمعہ کو پارہ 37 تا 39 ڈگری کے درمیان رہنے کی توقع ہے، جمعہ کو شہر کے مضافاتی علاقوں میں کہیں کہیں آندھی اور گرج چمک کے ساتھ ہلکی بارش کا بھی امکان ہے۔
محکمہ موسمیات کے مطابق گھوٹکی، جیکب آباد، دادو، لاڑکانہ، شکارپور، قمبرشہداد کوٹ اورکشمور میں پارہ 47 تا 49 ڈگری ریکارڈ کیا گیا جبکہ سکھر، خیرپور، نوشہروفیروز، سانگھڑ، شہید بے نظیرآباد میں درجہ حرارت 45 تا 47 ڈگری سینٹی گریڈ رہا۔
حیدرآباد، مٹیاری، ٹنڈوالہیار، ایم ٹی خان، میرپورخاص،عمرکوٹ، ٹھٹھہ، سجاول اور بدین میں پارہ 42 تا 44 ڈگری ریکارڈ ہوسکتا ہے، بدھ کو دیہی سندھ میں سب سے زیادہ درجہ حرارت جیکب آباد میں 44 ڈگری سینٹی گریڈ ریکارڈ ہوا جومعمول کے درجہ حرارت سے 3.7 ڈگری زیادہ تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔